Almaty qalasynda árbir jumys isteıtin 7 azamat resmı túrde jeke bızneste eńbek etedi. Bul týraly búgin Almaty qalasynyń О́ńirlik kommýnıkasııalar qyzmeti alańynda Almaty qalasy Kásipkerler palatasynyń dırektory Baǵdat Telebaı málimdedi.
Palata basshysy búginde Almaty elimizdiń jalpy ishki óniminiń 5-bóligi men memlekettik bıýdjetke salyq jáne salyq emes túsimniń tórtten bir bóliginen astamyn da osy qala qamtamasyz etedi. Shaǵyn jáne orta bıznes qala ekonomıkasynyń – 34 paıyzyn, salyqtúsimderiniń 50 paıyzyn, kóterme jáne bólshek saýda operasııasynyń 40 paıyzdan astam kólemin quraıdy. 2017 jyldyń 9 aıynda Almatynyń jalpy óńirlik ónimi 7 trln 94 mlrd teńge boldy jáne osy somanyń 85 paıyzyn saýda jáne qyzmet kórsetý salalaryndaǵy kásipkerlik sýbektileri qamtamasyz etti. Búginde Almatyda shaǵyn jáne orta bıznestiń 173 myń sýbektisi bar. Árbir jumys isteıtin 7-shi azamat resmı túrde jeke bızneste eńbek etedi, dedi.
2016 jyldyń qorytyndysy boıynsha Almatynyń ortashajıyntyq Jalpy óńirlik ónimi $17,5 myń AQSh dollaryn qurady. 2030 jylǵa qaraı 28 myń dollarǵa, al Qazaqstannyń Jalpy ishki ónimindegi qalanyń úlesi 37 paıyzǵa jetedi dep kútilýde. Sol ýaqytqa deıin Almaty aglomerasııasynda turǵyn sany shamamen 4 mln adamǵa jetedi.
–Osylaısha Qazaqstan Respýblıkasynyń bıznes ahýalynyń jalpy jaǵdaıy men damýy bıznes-qoǵamdastyqtyń jáne bizdiń qala turǵyndarynyń kásipkerlik belsendiligine baılanysty bolmaq, – dedi Almaty qalasy Kásipkerler palatasynyń dırektory.
Aınash ESALI,
«Egemen Qazaqstan».
ALMATY